انسپکٹر جنرل آف پولیس بلوچستان محمد طاہر نا کوئٹہ نا تھانہ غاتا دورہ
Get real time updates directly on you device, subscribe now.
انسپکٹر جنرل آف پولیس بلوچستان محمد طاہر کوئٹہ نا جتا جتا تھانہ غاتا دورہ ءِ کرے ہراڑے او سیکورٹی بست و بند آتا سرجم جاچ ءِ ہلک۔ دا وخت آ ڈی آئی جی کوئٹہ عمران شوکت، ایس ایس پی آپریشنز کوئٹہ ضیاء مندوخیل و ایلو پولیس افسر آک ہم اوڑتون اوار ئسر۔ دا وخت آ آئی جی پولیس بلوچستان ءِ ڈی آئی جی پولیس کوئٹہ تھانہ غاتا سیکورٹی، نفری و ایلو بست و بند آتا بابت بریفنگ تس۔ آئی جی پولیس بلوچستان جتا جتا تھانہ غاتیٹی تعینات کارندہ غاتتون اوڑدہی کرے و اوفتا کسبی کارکڑد نا ستاءِ کرے۔ آئی جی پولیس بلوچستان تھانہ ایئر پورٹ، شالکوٹ، کیچی بیگ و تھانہ سریاب نا دورہ نا وخت آ ورناتیان تران کرسا پارے کہ وردی و ڈیوٹی پولیس کارندہ غاتا گمر ءِ‘ وخت اس کہ ساڑی حالیت آتیٹی اوفتا کسبی زمواری پین اہم مریک۔ او پارے کہ بلوچستان پولیس دہشت گردی نا برخلاف برجا جنگ اٹی الس نا جان و مال انا رکھ و کانود نا عملداری کن اولیکو دستہ نا وڑ اٹ تینا تننگوک آ اہم آ زمواری تے سر تننگ اٹی ءِ۔ الس نا رکھ پولیس نا اولیکو اولیت ءِ و دا مسخت کن قربانی تننگ آن پدی مفنہ۔