ایران معاہدہ کننگ کن منت زاری کننگ ءِ، مارکو روبیو

امریکی وزیر خارجہ مارکو روبیو ایران ءِ سخت خبڑدار کرسا پارینے کہ تانکہ تہران تینا وڑ و ڈول اٹی بدلی اتپک، اودے ہر گدرینگوک آ نن اتون اوار پین بھاز نسخان ہرفوئی مریک۔ فلپائن نا دارالحکومت منیلا ٹی آسیان کانفرنس نا وخت È صحافی تتون ہیت وگپ کرسا مارکو روبیو پارے کہ ایران ہر نن زیات نسخانی ہرفک تانکہ او ہوش کپک۔ او دعویٰ کرے کہ ایران معاہدہ کننگ کن منت زاری کننگ اٹی ءِ‘ ولے ہندن خننگک کہ او داسکان ہچ ءُ معاہدہ اسے کن تیار اف، اگہ او معاہدہ کپک تو اودے دانا نسخان ہرفوئی تمک۔ روبیو دوبہ خلک کہ ایران ہراتم ہم معاہدہ اس کیک تو یا اودے پرغک یا اونا شڑت Èتے بدل کیک۔ یمن نا حالیت آ ہیت کرسا امریکی وزیرِ خارجہ پارے کہ حوثی باغی تے ایران گمراہ کرینے‘ اومیت ارے کہ حوثی باغیک چک وتاڑ اٹ کمتی کیرہ۔