اینخو چین و امریکہ نا تعلقداری کن اہم ءُ سال اسے چینی وزیر خارجہ
Get real time updates directly on you device, subscribe now.
چین نا وزیر خارجہ وانگ ای فلپائن نا دارالحکومت منیلا ٹی امریکی ہم منصب مارکو روبیو تون اوڑدہی کرے، ہراٹی جہانی و علاقائی باندات آ گپ و تران کننگا۔ سی جی ٹی این نا رداٹ چینی وزیر خارجہ پارے کہ دا سال چین و امریکہ نا تعلقداری کن اسہ اہم ءُ سال اسے۔ ہڑتوم آ ملک آتا سروک آک بیجنگ اٹ اسہ سرسہب و تاریخی اوڑدہی اس کریر، ہراٹی چین و امریکہ نا نیام اٹ تعمیری اسٹریٹجک سوگوی آ تالان تعلقداری جوڑ کننگ کن اسیجائی کوشست آتے پک کننگا۔ او پارے کہ ہڑتوم آ ملک آتا زمواری ءِ کہ ہڑتوم آ سروک آتا نیام اٹ پک مروک اہم امنائی سلاہ ءِ مچ آ حکومت و راج انا کل بشخ آتیٹی اسیجائی امنائی سلاہ و عملی گام گیج آتیٹی بدل کننگے۔ چینی وزیر خارجہ امریکہ نا ساڑی منفی قول و فعل انا بابت چین نا موقف ءِ پیدوار کرسا خواست کرے کہ امریکہ چین نا بنجائی فائدہ غاتا شرف ءِ کرسا اسہ چین نا اصول آ عمل کے، اختلاف و جھیڑہ غاتے گچین وڑ اٹ ہُرے و چین نا روا خواست Èتے پورو کے۔ ہڑتوم آ کنڈ آک دا ہیت آ امنا کریر کہ اوفتا اوڑدہی عملی، مثبت و تعمیری مس۔ ہڑتوم آ کنڈ آک دا ہیت آ ہم امنا کریر کہ ہڑتوم آ سروک آتا نیام اٹ پک مروک اہم امنائی سلاہ غا اسیجائی وڑ اٹ عملدرآمد کننگے، سیاسی و سفارتی وسیلہ غاتا کڑد ءِ گچین وڑ اٹ کاریم اٹ اتسا بروک آ ریسہ ٹی بڑزکو کہولی حال حوال کننگ کن تیاری کننگے و چین و امریکہ نا نیام اٹ تعمیری اسٹریٹجک سوگوی آ تالان تعلقداری ٹی پبی پیش رفت ءِ مونی دننگے۔