پاکستان و امریکہ نا نیام اٹ اقتصادی و واپاری کمکاری نا مونی دننگ آ امنا /بنجائی وزیر خزانہ محمد اورنگزیب
بنجائی وزیر نا امریکی ایگزم بینک انا صدر و چیئرمین تون اوڑدہی، کشاری جنس نا واپار اٹ ودکی آ گپ و تران
Get real time updates directly on you device, subscribe now.
بنجائی وزیر خزانہ و بنگ محمد اورنگزیب واشنگٹن ڈی سی ٹی امریکی ایگزم بینک (ایکسپورٹ۔امپورٹ بینک آف یونائیٹڈ سٹیٹس) نا صدر و چیئرمین جان جوانووک تون اوڑدہی کرے، اوڑدہی ٹی پاکستان و امریکہ نا نیام اٹ اقتصادی و واپاری کمکاری نا مونی دننگ آ گپ و تران کننگا۔ وزارت خزانہ نا کنڈآن جاری بیان نا رداٹ اوڑدہی ٹی مریس مدی ڈٹ آتے کن مالی وسیلہ غاتا فراوانی و کاٹن (کرپاس)، سویا بین و ہائیڈروکاربن تون اوار چندی کشاری گڑا نا واپار اٹ ودکی آ خاص گپ و تران کننگا۔ وزیر خزانہ ایگزم بینک نا کنڈآن اولیتی ڈٹ آتا بابت فریم ورک جوڑ کننگ نا سلاہ، مریس مُدی کاروباری نظام و امریکی فنانسنگ، ٹیکنالوجی، ازباب و سروسز نا مونی دننگ اٹ کمکاری نا ستاءِ کرے۔ فریق آک خڑک وخت انا ٹرانزیکشن، فوکل پرسن تعینات کننگ و اسٹریٹجک فریم ورک ءِ زوت آن زوت گڈیکو دروشم تننگ آ امنا کریر و ستمبر 2026 اٹی اقوام متحدہ نا جنرل اسمبلی نا دیوان نا وخت آ اسٹریٹجک فریم ورک آ باقاعدہ دستخط کننگ نا اومیت نا درشانی ءِ کریر۔ داکان بیدس بنجائی وزیر خزانہ و بنگ محمد اورنگزیب واشنگٹن ڈی سی ٹی آئی ایم ایف نا فرسٹ ڈپٹی منیجنگ ڈائریکٹر ڈین کٹز، ڈپٹی منیجنگ ڈائریکٹر نائجل کلارک، آئی ایم ایف نا نیامی دے ٹک و نیامی ایشیا نا بشخ انا ڈائریکٹر جہاد ازور و پاکستان کن مشن چیف ایوا پیٹرووا تون جتا جتا اوڑدہی کرے ، اوڑدہی تیٹی پاکستان نا میکرواکنامک حالیت، ایکسٹینڈڈ فنڈ فیسلٹی (ای ایف ایف)، ریزیلیئنس اینڈ سسٹین ایبلٹی فیسلٹی (آر ایس ایف) و فنڈ انا رداٹ برجاپروگرام نا پیش رفت آ ہیت و گپ کریر۔