بارکھان پولیس نا کارروائی، اشتہاری نروک دوبہ دار دزگیر
Get real time updates directly on you device, subscribe now.
ڈی آئی جی کوہ سلیمان ڈویژن ایاز احمد بلوچ نا پارت و سپرنٹنڈنٹ آف پولیس بارکھان عبدالحق رئیس نا خاص پرمان نارد اٹ بارکھان پولیس اسہ سرسہب کارروائی اسے نا وخت آ مقدمہ نمبر 05/2026 بجرم 379، 337-H(2)، 3/39-A اٹی درکار اشتہاری نروک دوبہ دار ءِ دزگیر کرے۔ سرجم حوال نا رِد اٹ، تھانہ ناہڑ کوٹ نا اے ایس آئی ایس ایچ او نیاز احمد عیشانی ہیڈ محرر حبیب خان و ایلو پولیس کارندہ غاک اوار کارروائی کرسا سعید احمد ولد نور محمد، قوم نانڈھا ءِ کانود نا رِد اٹ دزگیر کریر۔ دزگیر مروک دوبہ دار ءِ مستی کانودی کارروائی کن تھانہ بارکھان آ گدریفنگانے۔ بارکھان پولیس دا عزم کرینے کہ ڈوہدار و اشتہاری دوبہ دار آتا برخلاف کارروائیک بے فرق برجا سلرہ تانکہ ضلع ٹی امن و ایمنی نا حالیت ءِ پین بھرمی جوڑ کننگ مرے۔