کورونا وائرس ءِ سنجیدہ ہلنگاکہ تو حالیت آک جوان مسرہ‘ ہاشم نوتیزئی
Get real time updates directly on you device, subscribe now.
چاغی (تلار حوالکار) کورونا وائرس ءِ سنجیدہ ہلنگاکہ تو حالیت آک جوان مسرہ‘ اگہ ٹیسٹ مفک تو ناجوڑ اتا کچ انا امرسما تمّک‘ حکومت تون ٹیسٹ کرفنگ نالائخی کم ءُ‘ کورونا وائرس آ کل آن مست اسمبلی فلور آ ہیت کننگ خواہسٹ ولے اسپیکر موکل تتو‘ تفتان سیم ءِ ملنگ و زائر آتا ہن وبر وائرس نا تالان مننگ ناسوب جوڑمس‘ چاغی ٹی بیرہ جماعت اسے ناپاننگ آراشن بشخنگ انگ ءِ‘ راشن ناتننگ اٹ بے انصافی نابابت سیاسی جماعت آتا گڑتیک درست ءُ‘ بنجائی حکومت بی این پی نا شش ٹک آ پورو عمل کتنے‘ بلوچستان اٹ دا وخت اسکان شش سَد آن زیات بندغ بے گوا مسنو‘ سردار اختر جان مینگل 5128 بے گوا بندغ نا پن تا لڑ ءِ حکومت ءِ تسوسس‘ نن معدنی وسیلہ غاتے ٹی بلوچستان نا بشخ ءِ خوانہ‘ بنجائی ملازم آتے ٹی ہم صوبہ ءِ شش درسَد کوٹہ رسینگ پننگ ءِ‘ اسلام آباد اٹ بلوچستان نا جعلی ڈومیسائل آ بندغ آتے بھرتی کننگا‘ گوادر اٹ جغرافیائی بدلی ءِ توننگ خوانہ‘ اوغان مہاجر آتے پدی راہی کننگ ننا شش ٹک اٹ اوار ءِ‘ او پارے کہ بلوچستان اٹ بھلو کچ اسے ٹی ڈیم جوڑ کننگ المی ءِ‘ حکومت ءِ بلوچستان نا شونداری کن 9 ٹک پیش کرین۔ او پارے کہ رخشان ڈویژن اٹ‘ آبنوشی، سڑک وڈیم تیا کاریم مریک۔