مولانا فضل الرحمن نا کماشی ٹی جے یو آءی مرکزی مجلس عاملہ نا دیوان
Get real time updates directly on you device, subscribe now.
جمعیت علماء اسلام پاکستان (جے یو آءی) نا بنجاءی مجلس عاملہ و ہر چار È صوبہ غاتا امیر و ناظم Èتا اسیجاءی دیوان مولانا فضل الرحمن نا کماشی ٹی اسلام آباد اٹی اڈ ہلک۔ دیوان اٹی خوڑتی اٹ سجفنگ آن پد کیہی اہم انگا فیصلہ غاتے کننگا۔ ترجمان جے یو آءی اسلم غوری دیوان نا فیصلہ غاتا سرجم آتے پارے کہ جمعیت علماء اسلام پاکستان نا بنجاءی مجلس عمومی نا اِرا دے ءی دستوری دیوان 19 و 20 ستمبر 2026 آ اڈ تننگا۔ دیوان اٹی ہر چار È صوبہ غاتے ورکرز کنونشن اڈ تننگ نا فیصلہ کننگا۔ دا کنونشن آتیان مولانا فضل الرحمن تون اوار بنجاءی و صوباءی راہشونک تران کیرہ۔ ترجمان نا رِد اٹ جمعیت علماء اسلام پنجاب نا رِد اٹ ستمبر، اکتوبر و نومبر 2026 نا وخت آ مچ آ صوبہ ٹی بھلو مچی اڈ تننگ نا ہم فیصلہ کننگا۔ دا مچی تیان مولانا فضل الرحمن و ایلو راہشونک تران کیرہ۔ دیوان اٹی قصور اٹی مروک عظیم الشان تحفظ مدارس دینیہ و السی حقوق کانفرنس اٹی مولانا فضل الرحمن نا بیان و تران نا پورو مخ تفی نا درشانی ءِ کننگا۔ دیوان اٹی مارچ اٹی سکھر اٹی امن عالم کانفرنس نا تیاری تیا است جمی نا درشانی ءِ کننگا۔ دا عظیم الشان مچی ٹی لکھ آ بندغ Èک بشخ ہلیرہ‘ وخت اس کہ پاکستان تون اوار عالم اسلام نا پنی È عالم دین و ایلو سرکڑدہ غاک ہم بشخ ہلیرہ۔ دا کانفرنس جمعیت علماء اسلام پاکستان نا کاٹم خواجہی و چاروکی و جمعیت صوبہ سندھ انا کنڈÈن اڈ تننگک۔ دیوان نا اخیر اٹ جاری مروک بیان اٹی پاننگا کہ دا فیصلہ غاتے جماعت ءِ منظم و متحرک کننگ کن کننگانے۔