امریکہ ٹی نیتن یاہو ءِ دزگیر کننگ نا موکل تفنہ، ڈونلڈ ٹرمپ

امریکی صدر ڈونلڈ ٹرمپ پارینے کہ برطانیہ نا پوسکن آ وزیراعظم اینڈی برنہم تون بھاز جوان ہیت وگپ مسنے۔ اسہ بیان اسے ٹی او پارے کہ او زُوت اینڈی برنہم تون اوڑدہی کیک۔ ٹرمپ پارینے کہ اینڈی برنہم تون تیل، واپاری‘ عسکری سیوت، ہرمز تنک Èن بارودی سرنگ آتا چٹفنگ و ایلو باندات آتیا ہیت و گپ مسنے۔ ایلو کنڈ آ تینا اسہ بیان اسے ٹی امریکی صدر ڈونلڈ ٹرمپ پارے کہ امریکہ ٹی ساڑی مننگ نا وخت È اسراءیلی وزیراعظم ءِ ہچ ءُ وڑ اسے ٹی دزگیر مننگ نا موکل تفنہ‘ ٹرمپ پارے کہ نیتن یاہو ایران تون جنگ کننگ اٹی ءِ‘ ہراڑے 52 ہزار برانزی تا خون کننگا، اصل اٹ بایدے ایران نا راہشون تے دزگیر کننگے ہرافک کشت و خون و بربادی نا زموار ءُ۔ یات سلے کہ امریکی صدر ڈونلڈ ٹرمپ نا دا بیان نیویارک نا میءر ظہران ممدانی نا بیان آن پد مون آ بسنے۔ میءر نیویارک ظہران ممدانی پاریسس کہ نیتن یاہو نا نیویارک بننگ آ دزگیری نا کانودی گمان آتا جاچ ءِ ہلنگ اٹی اُن۔ ظہران ممدانی پارے کہ جنگی ڈوہدار گوندنگ انگ Èن پد نیتن یاہو نا جاگہ دی ہیگ ءِ‘ اسراءیلی وزیراعظم ءِ جہانی فوجداری عدالت جنگی ڈوہ تا دوبہ ٹی پن کرینے‘ اوپاریسس کہ نیتن یاہو ستمبر اٹی اقوام متحدہ نا جنرل اسمبلی کن نیویارک È بریک‘ داسہ پیدوار اف کہ کن تون نیتن یاہو کون È درملکی سرکڑدہ ءِ دزگیر کننگ کن نیویارک پولیس ءِ پارت کننگ نا واکداری ارے یا Èخا۔