ایپار سیم آن مروک دہشت گردی ءِ ریاست پورو واکداری اٹ لتاڑ کیک،فیلڈ مارشل سید عاصم منیر

چیف آف آرمی اسٹاف فیلڈ مارشل سید عاصم منیر پارینے کہ سیم انا ایپار آن مروک دہشتگردی ءِ پوری واکداری اٹ ماس کش کننگک۔ آئی ایس پی آر نارد اٹ فیلڈ مارشل سید عاصم منیر نیشنل ڈیفنس یونیورسٹی نا دورہ ءِ کرے و نیشنل سکیورٹی اینڈ وار کورس انا گریجویٹ افسر آتیان تران کرے۔ آئی ایس پی آر نا رد اٹ کورس اٹ ہر مسٹ آ سلہہ بند فوج انا افسر آک ساڑی ئسر۔ فیلڈ مارشل جنگ انا بدل مروک وڑ تیا ہیت کرے وخت اس کہ سلہہ بند فوج انا لائخی‘ بڑز انگا حوصلہ و آپریشنل تیاری تیا پت انا درشانی ءِ کرے۔ داوخت آ شریدار آتتون ہیت وگپ کرسا کرے فیلڈ مارشل پارے کہ این ڈی یو کون آ ادارہ غاک آخبت نا عسکری و سول سرکڑدہ غاتے ہائبرڈ گڑتی تتون مون تننگ کن ازباب آتیان شپ کننگ انگ ءِ۔ آرمی چیف پارے کہ دشمن ایجنسی تا کاٹم خواجہی ٹی کاریم کروک پراکسی تا کل کوشست آک بے سہب مریرہ و سیم انا ایپار آن مروک دہشت گردی ءِ ریاست نا پوری واکداری اٹ بھس کننگک۔ فیلڈ مارشل پارے کہ پاکستان نا سلہہ بند فوج دشمن نا انٹیلی جنس ایجنسی تیان پورو سماءِ۔ پراکسی تے پاکستان نا امن و شونہالی ءِ نسخان رسیفنگ نا کوشست نا ہچ گہس موکل تننگپک۔ فوج قوم انا مخ تفی اٹ دا پراکسی تا ہند آتا چٹفنگ ءِ پک کیک وخت اس کہ دہشتگرداتا کمکار آتے پورو وڑ اٹ چٹفنگک۔ آئی ایس پی آر نا رد اٹ فیلڈ مارشل پارے کہ ول ویچڑ اسٹریٹیجک چیلنج آتتون مون تننگ کن اسٹریٹجک بصیرت و ادارہ ئی کسبی چاہنداری بنداوی اہمیت تخک۔ جنگ آتے بیان بازی یا سیاسی نعرہ غاتے ٹی آخا‘ ایمان، سیوت‘ نظم و ضبط اٹ کٹنگک۔