ڈپٹی کمشنر قلات نا کماشی ٹی سرکاری ملازم آتا عمر انا درستی نا بابت دیوان
Get real time updates directly on you device, subscribe now.
ڈپٹی کمشنر منیر احمد درانی نا کماشی ٹی سرکاری ملازم آتا وئی انا بابت اسہ اہم ءُ دیوان اس اڈ ہلک دیوان اٹی محکمہ پولیس، محکمہ تعلیم، محکمہ بی اینڈ آر، محکمہ جانجوڑی و محکمہ لائیو اسٹاک نا ملازم آتا کیس آتا جاچ ءِ ہلنگا دا محکمہ غاتا جم وڑاٹ 22 کیس آتے ہننگا‘ سرکاری ملازم آتا قومی شناختی کارڈ‘ سروس بک، تنخواہ سلپ و تعلیمی سَند آتے وئی انا فرق ءِ درست کننگ کن ملازم آتا سہی کاغد آتے چیک کننگا۔ دیوان اٹی ڈپٹی کمشنر غٹ زہمی ملازم آتا سہی کاغد آتا خوڑتی اٹ جاچ ءِ ہلک و اوفتا وئی انا درستی کن اہم فیصلہ کرے۔ ڈپٹی کمشنر منیر احمد درانی پارے کہ سرکاری ملازم آتا ویل آتا دمدستی ایسری ننا اولیت آتے ٹی اوارءِ۔ سرکاری دفتر آتیٹی کاریم کروک زموار آک ملازم آتے زیات آن زیات آسراتی فراوان کیر و اوفتا مشکل آتے کم کننگ کن پبی کڑد ادا کیر۔