سردارزادہ میر عمیر جان محمدحسنی نا کارکڑد ستا کڑزک، ملک عزیز

ملک زادہ عزیز محمد حسنی پارینے کہ سردارزادہ میر عمیر جان محمدحسنی نا کارکڑد ستا کڑزک، او پارے کہ راج آک راہشون آتیان آخا بلکن کڑد آن جوڑ مریرہ۔ و ہراتم ہیت کڑد، راستکی و خذمت نا مرے تو بلوچستان نا ڈغار آ اسہ پن اس کل آن نمان نظر بریک و او سردارزادہ میر عمیر جان محمد حسنی ناءِ۔ دا ہمو شخصیت ءِ ہرا “سردارزادہ” نا لقب ءِ میرات آخا بلکن زمواری سرپند مس۔ اونا سیاست نا بنجا کرسی آخا بلکن انسانیت ءِ۔ اونا قول اونا عمل نا ڈیک ءِ۔ ہرا قول ءِ کیک، پورو کیک۔ انت کہ پائک، کرسا نشان ایتک۔ اونا راستکی نا شاہدی ءِ اونا مخالف آک ہم ایترہ۔ اونا دامن آ واکداری نا ہڑس انا ہچ ءُ داغ اس اف۔ او واکداری ءِ امانت سرپند مرسا الس نا خذمت ءِ کیک۔ میر صاحب نا ہنکین غریب آتا سیبو ءِ۔ داڑے پروٹوکول آخا بلکن سِخت چلینگک۔ داڑے دستار نا تکبر آخا بلکن است آتا دڑد آتا درمان مریک۔