پاکستان او آئی سی زالکار وزارتی کانفرنس نا مہمانداری ءِ کیک
Get real time updates directly on you device, subscribe now.
نائب وزیراعظم و وزیر خارجہ اسحاق ڈار نا کماشی ٹی او آئی سی وزارتی کانفرنس زالکار نا تیاری تا رد اٹ بڑزکو کہولی جاچ دیوان اس اڈ ہلک، ہراٹی کانفرنس نا بست وبند آتا جم جاچ ءِ ہلنگا۔ ترجمان نا رِد اٹ پاکستان 12 و 13 جولائی آ او آئی سی وزارتی کانفرنس زالکار نا مہمانداری ءِ کیک۔ دیوان اٹی او آئی سی ویمن کانفرنس نا تیاری تا بابت بڑزکو کہولی کمیٹی نا ہفتمیکو دیوان اٹی خوڑتی اٹ بریفنگ تننگا۔ دیوان نا وخت آ کانفرنس نا ہند، سیکورٹی، پروٹوکول، میڈیا کوریج و لاجسٹکس تون اوار جتا جتا انتظامی باندات آتا جم جاچ ءِ ہلنگا۔ نائب وزیراعظم اسحاق ڈار غٹ تعلقدار وزارت و ادارہ غاتے پارت کرے کہ کانفرنس نا تیاری تے پک کروک آ وخت اٹ پورو کننگے و ہچ ءُ وڑ اسے نا ڈیوالئی کننگپ۔