نیٹو سیوت پنا تو سلامتی ہم گڑتی نا باٹی کاہک، ترک صدر نا ہکل

ترکیہ نا صدر رجب طیب اردوان ہکل تسوسس کہ نیٹو سیوت پنا تو سلامتی ہم گڑتی ٹی تمک، ہندا سوب آن ننے ہر ہمو جھیڑہ غان بچوئی ءِ ہرا نیٹو ٹی بشخ و پانٹ یا نزوری ودی کے۔ نیٹو سروک دیوان آن تران کرسا او سیوت نا کل باسک ملک آتیا زور شاغا کہ او تین پہ تینی سیوت ءِ برجا تخر، انتئے کہ سوگو آ سیوت جم سلامتی نا بنداو ءِ۔ صدر اردوان تینا تران اٹی پارے کہ نیٹو سیوتی تا نیام اٹی پورو ہم گرنچی و کمکاری وخت انا اہم ءُ گرج اسے۔ او پارے کہ یورپ و بحرِ اوقیانوس نا ہڑتوم آ کنڈ آ ساڑی سیوتی ملک آتا تعلقداری تے نسخان رسینفوک ہچ ءُ ہیت اس کننگپ۔ او پارے کہ سیوت نا دراست تعلقداری سلامتی تون ءِ‘ ہندا سوب آن ننے ہر ہمو اختلاف آن بچفوئی ءِ ہرا نیٹو ءِ نزور کے۔