صوبائی وزیر سردار عبدالرحمن کھیتران عہدہ غان اینک
Get real time updates directly on you device, subscribe now.
حکومت بلوچستان صوبائی وزیر پبلک ہیلتھ انجینئرنگ سردار عبدالرحمن کھیتران ءِ اونا عہدہ غان دمدستی وڑاٹ اینک کرینے۔ سروسز اینڈ جنرل ایڈمنسٹریشن ڈیپارٹمنٹ (کابینہ سیکشن) نا کنڈ آن جاری مروک اعلامیہ نا رِد اٹ گورنر بلوچستان آئین پاکستان 1973 نا آرٹیکل 132(3) نا رِد اٹ واک آتے کاریم اٹ اتسا وزیراعلیٰ بلوچستان نا سلاہ غا سردار عبدالرحمن کھیتران ءِ صوبائی وزیر نا عہدہ غان دمدستی اینک کننگ نا پارت کرینے۔ چیف سیکرٹری بلوچستان شکیل قادر خان نا دستخط اٹ جاری مروک اعلامیہ نا رِد اٹ فیصلہ غا دمدستی وڑاٹ عملدرآمد مریک، وخت اس کہ اونا نقل غٹ تعلقدار بنجائی و صوبائی ادارہ، بلوچستان اسمبلی، انتظامی محکمہ و ایلو کمامدار آتیا راہی کننگانے۔