حضورؐ نا بعثت اللہ تعالیٰ نا عظیم ءُ نعمت اسے، وزیراعلیٰ بلوچستان

وزیر اعلیٰ بلوچستان میر سرفراز بگٹی عئید میلاد النبی ﷺ نا برکتی آ وخت آ مچ آ قوم و خاص وڑ اٹ بلوچستان نا الس ءِ مبارکبادی ترسا پارے کہ نبی کریم حضرت محمد مصطفیٰ ﷺ نا ولادتِ باسعادت مچ آ انسانیت کن اللہ تعالیٰ نا اسہ بھلو نعمت اسے۔ حضورا کرم ﷺ نا سیرتِ طیبہ نن کن خواری‘ اخوت، سگ‘ عدل، مساوات، رواداری و انسانیت نا خذمت نا پورو ءُ نمونہ اسے۔ تینا کلہو اٹی وزیر اعلیٰ بلوچستان پارے کہ عئید میلاد النبی ﷺ ننے دا عظیم ہستی نا تعلیمات آ عمل کننگ نا یات ترفک ہرا الس و انسانیت ءِ جہالت، بیدادی و بے انصافی نا تہاری تیان کشسا علم، عدل و اخوت نا روشنائی تس۔ نبی کریم ﷺ راج انا کمزور تپہ، چوری‘ مسکین، زالبول و ضرورت مند بندغ آتا حق آتا رکھ خاص چکار کرے۔