28 فروری نا جلہو اٹ زوال مروک،ایرانی سپریم لیڈر آیت اللہ خامنہ ای نا نمازِ جنازہ خواننگا
آیت اللہ جعفر سبحانی جنازہ ءِ خوانفے، ایرانی صدر مسعود پزشکیان، اسپیکر باقر قالیباف و ایلوفک ساڑی ئسر
Get real time updates directly on you device, subscribe now.
ایرانی سپریم لیڈر آیت اللہ سید علی خامنہ ای و اونا خاہوت نا 4 بندغ نا نمازِ جنازہ ءِ تہران اٹی خواننگا۔ ایرانی میڈیا نا رِد اٹ آیت اللہ جعفر سبحانی ایرانی سپریم لیڈر نا نمازِ جنازہ ءِ خوانفے۔ آیت اللہ خامنہ ای نا نمازِ جنازہ ٹی ایرانی صدر مسعود پزشکیان، اسپیکر باقر قالیباف و ایلوفک بشخ ہلکر۔ ایران نا سپریم لیڈر نا نمازِ جنازہ ٹی 100 ملک آتا ڈل آتون اوار لکھ آ بندغ آک بشخ ہلکر۔ جنازہ گاہ و تہران نا کسر تیا مون ءُ پچ بینوک بیر ہلنگ و انصاف نا دوئی کننگ نا نشانی خیسن بیرک ہرفوک ماتنیک تینا سرکڑدہ ءِ سفارار۔ دوشنبے نا دے سہب انا جنازہ نا جلوس تہران آن قم آ کاہک، جہہ وجاگہ کننگ آن مست آیت اللہ علی خامنہ ای نا میت ءِ عراق نا شار نجف و کربلا غا ہم دیرہ، آیت اللہ علی خامنہ ای ءِ مشہد اٹی جہہ وجاگہ کننگک۔ یات سلے کہ امریکہ و اسرائیل نا دا سال 28 فروری آ اسیجائی جلہو اٹی آیت اللہ خامنہ ای نا زوال نا سوب آن 8 مارچ آ کم و ود اسہ ہفتہ اسے ٹی پوسکن آ سپریم لیڈر نا گچین کاری ءِ کننگاسس ولے زوال مروک سپریم لیڈر ءِ دمدستی جہہ وجاگہ کننگتویسس۔