مودی ملک و پیشن اٹ تینا بے شرفی نا سوب آن بھاز نزور مسنے،وزیر دفاع خواجہ آصف
کنا برخلاف چلیفنگوک پروپیگنڈا مہم پاکستان آن با تروک آ مودی ءِ بے شرف آن بچفنگ کپک
Get real time updates directly on you device, subscribe now.
بنجائی وزیر دفاع خواجہ آصف سماجی رابطہ نا پلیٹ فارم ایکس آ جاری کروک آ بیان اٹی بھارتی پروپیگنڈہ مہم آ سخت ردعمل ترسا پارینے کہ اونا برخلاف جندی جلہو کننگ یا اودے ذہنی وڑاٹ نزور گوندنگ آن ہچ ءُ ویل اس ایسر مفک۔ وزیر دفاع پارے کہ خاص وڑاٹ تدوک آ سال پاکستان آن جنگ اٹی باہ تننگ آن پد بھارتی وزیراعظم نریندر مودی ملک انا تہٹی و پیشن تینا بے شرفی ناسوب آن بھاز نزور مسنے‘ و اونا برخلاف چلیفنگوک آ پروپیگنڈہ مہم مودی نا شرف ءِ دوارہ بحال کننگ کپک۔خواجہ آصف تینا بیان اٹی بھارتی اپوزیشن راہشون راہول گاندھی نا ہیت انا حوال تس و پارے کہ او ہم مودی ءِ رسینگوک آ منہ جہانی اعزاز آتا بابت سوج چست کرینے و دعویٰ کرینے کہ اوفتیان منہ اعزاز یا تو مصنوعی وڑاٹ جوڑ کننگار یا جندی پبلسٹی مہم نا بشخ ءُ۔ وزیر دفاع نا رِد اٹ دا وڑ انا تشہیری مہم نا مسخت مودی ءِ اسہ جہانی مدبر راہشون اسے نا دروشم اٹی نشان تننگ ءِ، ولے اونا رِد اٹ اونا شرف اٹ جہانی شوباز اسے ناوڑ اٹ ودکی مسنے‘ او مستی پارے کہ برطانوی میگزین گارڈین ہم تینا اسہ حوال اسے ٹی مودی ءِ رسینگوک آ منہ اعزاز آتا شفافیت و شرف آ سوجی ٹِک چست کرینے۔ خواجہ آصف تینا بیان نا اخیر اٹی پارے کہ ملک آن پیشن آن مصنوعی ستا دوئی کننگ نا کوشست آک اصل اٹ بھارت اٹی مودی نا نزور مروک سیاسی شرف ءِ سیبو تننگ نا اسہ بے سہب ءُ کوشست اسے۔