ایران و امریکہ نا نیام اٹی گپ و تران نا بروک آ ریسہ 11 جولائی آن پاکستان اٹی بنا مریک / سعودی حوالی
Get real time updates directly on you device, subscribe now.
سعودی حوالی العریبیہ نا رِد اٹ ایران و امریکہ نا نیام اٹی گپ و تران نا بروک آ ریسہ 11 جولائی آن پاکستان اٹی بنا مریک۔ حوالی نا پاننگ ءِ کہ دا گپ و تران مسکوہی ایرانی سرکڑدہ آیت اللہ علی خامنہ ای نا ایسری دود پورو مننگ آن پد شروع مرو۔ دا گپ و تران اٹی ایران آ رکھ (پابندی)، کوڑی کروک آ مڈی و جوہری پروگرام آ بحث و مباحثہ نا گمان ارے۔
حوالی پارے کہ ہڑتوم آ ملک آتـا نیام اٹی بالواسطہ گپ و تران چارشنبے نا دے دوحہ ٹی مسـسر ہرافتـے امریکی صدر ڈونلڈ ٹرمپ جوان گونداسس۔ سعودی حوالی نا رِد اٹ دوحہ مذاکرات آن پد ایران نا کنڈ آن پاننگا کہ کوڑی کروک آ مڈی نا منہ ارب ڈالر آتـا پدی رسینگ آ امنائی مسـنے ولے امریکہ دا ہیت ءِ نمن کرے