صدر آصف زرداری نا امریکی صدر ڈونلڈ ٹرمپ ءِ پاکستان نا دورہ نا سلہ
Get real time updates directly on you device, subscribe now.
صدر آصف علی زرداری امریکی صدر ڈونلڈ ٹرمپ و امریکی الس ءِ آجوئی نا پڑو نا 250 سال پورو مننگ نا وخت آ مبارکبادی تس و تینا امریکی ہم منصب نا پن کلہو اٹی پارے کہ امریکہ تینا سوگو آ ربیدگی، جدت و آجوئی، جمہوریت و مساوی وارخواہی نا اصول آتون گنڈوک مننگ نا بنداو آ پدریسہ شونداری کننگ اٹی ءِ۔ او پارے کہ تدوک آ ڈھائی صدی تیٹی امریکی الس نا نمان آ سرسہبی آک مچ آ دنیا ٹی شونداری و خوشحالی نا شون اٹی اہم ءُ کڑد اس ادا کرینـو۔
اونا پاننگ ئس کہ پاکستان و امریکہ نا نیام اٹی تین پہ تینی شرف و امن، رکھ و خوشحالی نا اسیجائی ارادگی آ بنداو مروک آ متکن آ تعلقداری آک ساڑی ءُ۔ صدر مملکت امریکی صدر ڈونلڈ ٹرمپ ءِ پاکستان نا دورہ نا سلہ تس و پارے کہ پاکستان نا الس صدر ٹرمپ ءِ اونا آسراتی نا رِد اٹ دمدستی وڑاٹ اسلام آباد اٹی بخیر کننگ ءِ تینا کن اسہ شرف اس تکِرہ