امریکہ و ایران نا نیام اٹی جنگ بندی، امن نا وارخواہی آن پورہ وڑ اٹ فائدہ ہرفوئی ءِ / وزیراعظم شہباز شریف:
Get real time updates directly on you device, subscribe now.
وزیراعظم شہباز شریف پارینـے کہ امریکہ و ایران نا صدور آک پاکستان نا ثالثی (خیرخواہی) اٹی ایم او یو آ دستخط کرینـو، جنگ بندی مسـنے، داسہ المی ءِ کہ امن نا وارخواہی آن پورہ وڑ اٹ فائدہ ہرفنگ مرے۔ استنبول اٹی پاکستان ترکیہ بی ٹو بی کانفرنس آن تران کرسا وزیراعظم شہباز شریف پارے کہ امریکہ و ایران نا نیام اٹی گپ و تران نا ردوم اٹی نن اخلاص اٹ کوشست کرینن، دا مشکل ءُ سفارتی مشن اس ئس ولے اللہ نا فضل اٹ جنگ بندی مسـنے۔
وزیراعظم شہباز شریف نا پاننگ ئس کہ داسہ المی ءِ کہ امن نا وارخواہی آن پورہ وڑ اٹ فائدہ ہرفوئی ءِ، ہراتم پاکستان آ جنگ مس تو مشکل نا دا ساہت اٹی ترکیہ، سعودی عرب و ایلو دوست ملک آک پاکستان نا مخ تفی ءِ کریر۔ فیلڈ مارشل نا کماشی ٹی لشکر دژمن ءِ ہندن ءُ ورندی اس تس ہرا تاریخ نا بشخ ءِ۔ وزیراعظم پارے کہ توانائی نا بشخ اٹی ترک سرمایہ کاری ءِ بخیر کینہ، ہڑتوم آ ملک آتـا تجارتی کچ ءِ 5 ارب ڈالر اسکان سر کننگ کن پکا ارادہ (ارادگی) تخـن۔ ترکیہ ہر مشکل وخت اٹی پاکستان نا کمک ءِ کرے، صدر رجب طیب اردوان نا مخلصانہ مخ تفی اٹ پاکستان ءِ ثالثی نا کڑد ادا کننگ نا وارخواہی رسینگا، او جنگ بندی نا کوشست آتیٹی پاکستان نا امن نا کاریم نا بے گرج ءُ مخ تفی اس کرے