حکومت ناکنڈآن بھلا لاک ڈاﺅن اٹ نرمی کننگے‘حاجی غلام قاد ر عمرانی

قلات : گرینڈ الائنس قلات نا آرگنائزر حاجی غلام قادر عمرانی صحافی تتون ہیت وگپ کرسا پارینے کہ حکومت ناکنڈآن بھلا لاک ڈاﺅن اٹ نرمی کننگے۔ دکان تا مالک آک کراتے بشخسا کرایہ دار دکاندار تے ریلیف ایتر۔ الس رکھی گام گیج آتیا عمل کرسا کورونا ءِ تالان مننگ کن تینا زمواری تے پورو کیر۔ او پارے کہ لاک ڈاﺅن ءِ بیست دے آن زیات مسنے‘ پوریاگر تا دکان ہوٹل آتون اوار ایلو واپاری ہندجاٹ آک بند ءُ اوفتا اُراتے ٹی بین جاگہی مسنے ولے حکومت اوفتتون ہچ کمک کپننگ ءِ۔ ہوٹل آتا مالک آک لکھ آروپئی تا گیس انا بل وخت اس کہ ہوٹل نا کرا کن ہم فریشان ءُ وخت اس کہ لاک ڈاﺅن ناسوب آن پوریاگر آتا مچ کروک پیسہ غاک ہم چٹانو‘ بھاز آعلاقہ غاتے ٹی مالک آتا کنڈآن دکان تا کرا ہلپننگ نافیصلہ ستا کڑزک۔ او پرنس عیسٰی جان احمدزئی بلوچ، پرنس موسیٰ جان احمدزئی بلوچ وایلو دکان مالک آتیان خواست کرے کہ مشکل نا دا ساہت اٹ دکان تا کراتے بشخر وخت اس کہ حکومت آن خواست کرے کہ سرکاری کہول آ لاک ڈاﺅن آن زہمی پوریاگر تتون مالی کمک کننگے۔

(فیض نیچاری)