عمران خان نا پارٹی چیئرمینی نا درخواست ءِ چیف جسٹس لاہور ہائی کورٹ آ گدریفنگا
Get real time updates directly on you device, subscribe now.
لاہور : لاہور ہائی کورٹ نا جسٹس مزمل اختر شبیر عمران خان ءِ اونا جماعت تحریک انصاف نا چیئرمین نا عہدہ غان اینک کننگ کن درخواست ءِ چیف جسٹس لاہور ہائی کورٹ آ گدریفینے۔ لاہور ہائی کورٹ نا جسٹس مزمل اختر شبیر شاری محمد جنید نا درخواست آسے شنبے نادے آ سماعت کرے۔ عدالت نا فاضل جج درخواست ءِ چیف جسٹس لاہور ہائی کورٹ ءِ دا سفارش اتون گدریفے کہ داوڑنا باندات آ جسٹس ساجد محمود سیٹھی مہالو سماعت کرینے ہنداخاطرآن دا درخواست ءِ سماعت کن اونا روبرو پیش کننگے ہراٹی پیدوار کننگاکہ الیکشن کمیشن عمران خانءِ 21 اکتوبر 2022 آ این اے 95 میانوالی آن اسمبلی نا باسک اکن نابود گوندا، ہنداسوب آن او تینا جماعت نا سروک مننگ کپک۔ درخواست اٹی خواست کننگا کہ عمران خان ءِ تحریک انصاف نا چیئرمین نا عہدہ غان اینک کننگ نا پرمان کننگے۔
(اے پی پی)