عمران خان نا حاضری معافی نا درخواست مسترد

لاہور: لاہور نا انسداد دہشت گردی نا خصوصی عدالت جلاؤ گھیراؤ، پولیس آ بیدادی و ظل شاہ خون کیس اتون اوار مسہ مقدمہ غاتیٹی عمران خان نا حاضری معافی نا درخواست ءِ مسترد کرے۔ عدالت گوندا ریلیف ہمودے ملک ہرا عدالت اٹ پیش مریک۔ عمران خان عدالت اٹ پیش مرے نہ تو کانود نا رداٹ فیصلہ کینہ۔ دہشت گردی تور انا خصوصی عدالت نا ایڈمن جج ابہرگل خان بحیثیت ڈیوٹی جج کیس انا سماعت نا بناءِ کرے تو عمران خان نا وکیل بیرسٹر سلمان صفدر مسہ مقدمہ غاتیٹی حاضری معافی نا درخواست جمع کرفے و موقف اختیار کرے کہ عمران خان نا کیس زیر سماعت ءِ، تعلقدار عدالت نا جج اعجاز احمد بٹر رخصت آٹی ءِ، عمران خان سیکورٹی گھڑتی تا سوب آن پیش مننگ کپک۔ ولے ڈیوٹی زالبول جج ابہر گل خان حاضری معافی نا درخواست ءِ مسترد کرسا عمران خان ءِ پیش مننگ نا پرمان کرے۔

(اے پی پی)