روچہ نا تو اٹ کبین بہا کروک آتا برخلاف کارروائی کننگک‘ نثار لانگو

کوئٹہ: ڈپٹی کمشنر کوئٹہ شہک بلوچ نا پارت و اُلسی غاو تیا اسسٹنٹ کمشنر سریاب نثار احمد لانگو نا کماشی ٹی ٹیم انا ڈیری فارم آتا برخلاف بھلو کریک ڈاون اس کرسا پانزدہ بندغ ءِ دزگیر کرسا جیل آ راہی کننگا۔ کریک ڈاون مشرقی بائی پاس و نواحی علاقہ غاتیٹی آباد ڈیری فارم آتا برخلاف کروک آ دا کبین دام و اوار سوار کروک آ پال تے مارکیٹ اٹ فراوان کننگ کن کننگا۔ او وخت آ اسسٹنٹ کمشنر سریاب کوئٹہ نثار احمد لانگو پارینے کہ روچہ نا تو انا بننگ تون انتظامیہ مبارک آ تو اٹ اُلس آ ہچ ءُ باریم اس سگپک۔ تینٹ جوڑ کروک آ کبینی نا سوب آن جوڑ مروک آ بندغ آتا برخلاف انتظامیہ نا پالیسی کل انا مون آٹے۔ او پارینے کہ روچہ آن مست داوڑ نا کل بندغ آتا برخلاف کارروائی کننگ انگ ءِ تانکہ اُلس ءِ زیات ریلیف فراوان کننگے۔