سعودی عرب و روس انا تعلقداریک کل اکن جوان ءُ، سعودی وزیر خارجہ
Get real time updates directly on you device, subscribe now.
میونخ : سعودی وزیر خارجہ شہزادہ فیصل بن فرحان پارینے کہ روس اتون سعودی عرب نا تعلقداریک کل اکن جوان ءُ۔ ریاض اٹ میونخ سکیورٹی کانفرنس اٹ نیامئی دے ٹک نا ملک آتا کڑدار نابابت مذاکراتی سیشن اٹ سعودی وزیرخارجہ پارے کہ تیل انا جہانی منڈی تے ٹی سوگوی کن ریاض سنجیدہ کاریم کننگ اٹی ءِ۔ شہزادہ فیصل بن فرحان پارے کہ امریکہ تون تعلقداری تے ٹی قومی فائدہ غاتے مون آ تخنہ۔ ریاض نا واشنگٹن تون کیہی امور تیا اختلاف آک اریر ہراکہ ڈکوک ہم افس۔ او پارے کہ ڈیہہ اٹ سلامتی و رکھ اکن امریکہ تون کاریم کننگ اٹی ان۔ خلیج تعاون کونسل یوکرینی تنکی نا ایسر ءِ مذاکرات اٹ خواہک۔ ایران تون تعلقداری تیا سعودی وزیر خارجہ پارے کہ ایران تون تعلقداری تیا ننا موقف پیدوار ءِ‘ تہران تون ہیت مننگ ءِ۔
(آن لائن)