کابل سفارتخانہ خالی کننگپک، طالبانک رکھ انا زمواری ہرفینو، روس

ماسکو: روس پارینے کہ او اوغانستان نا حالیت آ اقوام متحدہ نا سلامتی کونسل نا ہلہلہ ئی دیوان ءِ بٹنگ کن ایلو ملک آتتون ہیت و گپ کننگ اٹی ءِ۔ روسی وزارت خارجہ نا ترجمان پارے کہ روس انا کابل اٹی سفارتخانہ ءِ الیپننگ نا فیصلہ کننگانے۔انتئے کہ طالبانک روس و ایلو کیہی ملک آتے سکیورٹی نا ضمانت تسنو۔ داکان بیدس دنیا نا کیتھولک راہشون پوپ فرانسس اوغانستان اٹی سلہہ بند جنگ ءِ چٹفنگ نا خواست کرسا پارینے کہ ہیت و گپ ءِ پک کننگ اسٹ انگا کسر ءِ کہ مخلوق امن، سلامتی و تین پہ تینی شرف اٹ زند تیر کننگ کیر۔

(آن لائن)