ڈپٹی کمشنر جھل مگسی نا گورنمنٹ بوائز ہائر سیکنڈری اسکول گنداواہ نا دورہ

0

Get real time updates directly on you device, subscribe now.

جھل مگسی، ڈپٹی کمشنر جھل مگسی سید رحمت اللہ شاہ گورنمنٹ بوائز ہائر سیکنڈری اسکول گنداواہ نا دورہ ءِ کرے، ہراڑے او وی ٹی سی نا رد اٹ برجا امتحان و اسکول اٹی برجا تعلیمی سرجز آتا جم جاچ ءِ ہلک۔ دورہ نا وخت آ ڈپٹی کمشنر کلاس روم و امتحانی ہند آتا جاچ ءِ ہلک و طالب علم آتیان سوج و اوفتا تعلیمی و تدریسی عمل نا جاچ ءِ ہلک۔ ڈپٹی کمشنر اسکول اٹی آاستاد آتا حاضری ءِ ہم چیک کرے و اسکول نا تعلیمی و انتظامی باندات آتا جاچ ءِ ہلک۔ او اسکول اٹی برجا جم بست و بند آتیا است جمی نا درشانی ءِ کرسا استاد آتیا زور شاغا کہ او طالب علم آتا تعلیم و ہیلکاری آ خصوصی چکار کیر و تینا زمواری تے گچین وڑ اٹ سر ایتر‘ او پارے کہ طالب علم آتا گچین تعلیم و ہیلکاری و آب اٹو تعلیمی چاگڑد نا فراوانی ضلعی انتظامیہ نا اولیت آتیٹی اوار ءِ۔

Get real time updates directly on you device, subscribe now.

Leave A Reply

Your email address will not be published.