ایران نا برخلاف جنگ اٹی 81 امریکی فوجی طیارہ ءِ نسخان مس، حوال
Get real time updates directly on you device, subscribe now.
واشنگٹن، ایران نا برخلاف جنگ اٹی کم آن کم 81 امریکی فوجی جہاز ءِ نسخان رسینگا۔ دا پت کانگریشنل ریسرچ سروس نا رپورٹ اٹی پاش مسنے ہراٹی پاننگانے کہ ایران نا برخلاف جنگ اٹی امریکہ نا فکسڈ ونگ جہاز‘ ہیلی کاپٹر و بے پائلٹ بالی جہاز آک بھس مسر یا نسخان رسینگا تا۔ سی آر ایس رپورٹ نا رِد اٹ کل آن زیات نسخان MQ-9 ریپر ڈرون آتے مس، کم آن کم 45 ڈرون ایران نا برخلاف کارروائی تیٹی زیان مسر۔ سی آر ایس رپورٹ اٹی پاننگا کہ مارچ اٹی کویت اٹی 3 بالی جہاز تینا جند انا کنڈآن سم کاری آن بھس مسر وخت اس کہ اپریل اٹی ایران نا فضا ٹیپین اسہ F-15E بالی جہاز اس بھس مس۔ رپورٹ نا رِد اٹ ستمبر اٹی اردن نا ایئربیس آ ایرانی جلہو اٹی 8 F-15 بالی جہاز آتے نسخان رسینگا ہرافک دوارہ سروس اٹی بسر۔