عمران زرگزرانی جنگ اٹ آئی ایم ایف نا مون آ سلہہ بٹے، شہبازشریف

لاہور : پاکستان مسلم لیگ (ن) نا صدر شہبازشریف پارینے کہ عمران نیازی زرگزرانی جنگ اٹ آئی ایم ایف نا مون آ سلہہ بٹے، اسٹیٹ بینک انا چابی تے آئی ایم ایف ءِ تننگ و منی بجٹ نا بھسکاریک مونی تخوک ءُ، بیداد و بے پرواہی کچ آن گدرینگانے کہ پاننگ انگ ءِ کہ غریب الس آ دانا باریم تمپک۔ حکومت نا جند کبینی نا عذاب نازل کیک، ولدا قوم ءِ پاہک کبینی نا اصل سوب نا سما تمپننگ اٹی ءِ۔ تینا بیان اٹی او پارے کہ کبینی، بے روزگاری و زرگزرانی بھسکاری ساڑی حکومت نا سوب آن مننگ اٹی ءِ۔ ہندا اصل سوب ءِ تے۔ منی بجٹ آن زرگزرانی گاڈی نا انجن سیز مسنے۔ بے روزگاری و کبینی نا زموار عمران نیازی اینڈ کمپنی اسک ءُ۔ دا کرپٹ کمپنی تو مہالو آن چلینگتوکہ، داسہ ژدغہ مننگ نا دنگ آ سر مسنے۔ حکمران بھاز اڑزان و الس بھاز کبین آ پاکستان اٹ رہینگ انگ ءِ۔ قوم و پاکستان ءِ بندگلی ٹی سر کرسا 2022 ء ٹی پی ٹی آئی پوسکن ءُ یوٹرن اس ہلیک، قوم بایدے دا بابت پامدار مرے۔ پی ٹی آئی نا روایت ہندادے کہ ہر پوسکن آ سال اسہ پوسکن ءُ کبینی اسے نا طوفان اس قوم آ بیٹ کیک۔ 2021 ء نا بنا ٹی عمران نیازی دادے شونداری نا سال پاریسس، ولے دا ہم بھسکاری نا سال اس جوڑ مس۔ او دا ہم پاریسس کہ2021ء ٹی کس اس بینگن خاچپک، و داسہ او چنا تیان پال/ ءِ ہم پلا۔ منی بجٹ نا ہرا زاری آ بج ءِ 2021ء اٹی دسنگاسس، اونا زار آن پر آ بھرم 2022 ء اٹی قوم ءِ رسینگک، اسٹیٹ بینک نا پن نا وتواجہی ہم اسہ کروڑ نوکری، پنجا لکھ اُرا غانبار ءُ اسہ درو اسے۔ ارمان کہ 2021ء اٹی الس ءِ بھاز خوار مروئی تما، بجلی و گیس کبین مسر۔ ارمان نا ہیت اسے کہ 2021 ء اٹی زرگزرانی بھسکاری، بے روزگاری و ڈالر نا نہاد آتیٹی ودکی برجا سلیس، ساڑی حکومت قوم اکن سبخ اسے کہ دا آزموندہ اوفتے کن اخس کبین تما۔

(آن لائن)