بنجائی حکومت نا کنڈ آن پٹرولیم مصنوعات نا نہاد آتیٹی اسہ وار ولدا ودکی، نوٹیفکیشن جاری
پٹرول 1 روپئی 9 پیسہ وخت اس کہ ڈیزل نا نہاد اٹی 2 روپئی 42 پیسہ فی لٹر ودکی
Get real time updates directly on you device, subscribe now.
بنجائی حکومت پٹرولیم مصنوعات نا نہاد آتیٹی اسہ وار ولدا ودکی کرسا پوسکن آ نہاد آتا باقاعدہ نوٹیفکیشن جاری کرینے۔ پٹرولیم ڈویژن نا رِد اٹ نہاد آتیٹی دا رد و بدل آئل اینڈ گیس ریگولیٹری اتھارٹی (اوگرا) نا کنڈ آن ٹہیفوک آ سلاہ و مشورہ غاتا روشنائی ٹی کننگانے۔ پٹرول نا فی لیٹر نہاد اٹی 1 روپئی 9 پیسہ نا ودکی کننگانے، ہراڑآن پد پٹرول نا پوسکن آ نہاد ودسا 336 روپئی 15 پیسہ فی لٹر مسونے۔ ہائی اسپیڈ ڈیزل نا نہاد اٹی 2 روپئی 42 پیسہ فی لٹر ودکی ریکارڈ کننگا، ہراڑآن پد اونا پوسکن آ نہاد 393 روپئی 4 پیسہ فی لٹر مقرر کننگانے۔