سینئر ٹی وی فنکار تون پیش بروک واقعہ نا مذمت ءِ کینہ، عطاء تارڑ
Get real time updates directly on you device, subscribe now.
بنجائی وزیر حوالکاری و شینکاری عطاء اللہ تارڑ پارینے کہ سینئر ٹی وی فنکار محمد احمد تون ڈرامہ سیریل نا سیٹ آ پیش بروک واقعہ نئے بیرہ مذمت نا قابل بلکن بھاز است ہسونی ناسوب ءِ۔ پنچ شنبے نا دے آراجی رابطہ نا پلیٹ فارم ”ایکس“ آ تینا اسہ پوسٹ اسے ٹی او پارے کہ ای ورنا ٹی وی فنکار آتے کن مینٹورشپ پروگرام نا دروشم اٹ اسہ ایسر اس پیش کننگ خواوہ ہرانا کماشی ءِ احمد صاحب کون آ سینئر ٹی وی آرٹسٹ آک کیر یا ہندا وڑانا اسہ کونسل اس جوڑ کننگے۔ دا بابت سلاہ ہلنگ کن زوت ٹی وی آرٹسٹ آتا اسہ دیوان اس بٹنگ انگک۔