صدر نا ہنگو ٹی پولیس چیک پوسٹ آ فتنہ الخوارج نا دہشت گرد آتا جلہو نا مذمت

صدر مملکت آصف علی زرداری ضلع ہنگو ٹی پولیس چیک پوسٹ آ فتنہ الخوارج نا دہشت گرد آتا جلہو نا سخت انگا لوز آتے ٹی مذمت ءِ کرسا پارینے کہ وطن عزیز آن پیشن نا کاٹم خواجہی ٹی کاریم کروک دہشت گرد و اوفتا کمک کروک آتا پورو چٹفنگ ءِ المی جوڑ کننگک، او ڈی ایس پی دیار خان تون اوار پولیس کارندہ غاتا شہیدی آ بھاز ڈکھیائی و است ہسونی نا درشانی ءِ کرے۔ پنچ شنبے نادے آ ایوان صدر نا پریس ونگ انا رداٹ صدر مملکت پارے کہ پولیس نا بہادر آفیسر و ورناتا قربانیک قوم انا میرات ءُ، وطن عزیز نا امن کن جان تے ندر کروک آ شہید آتے مدام یات تخنگک۔ صدر مملکت شہید آتا درجہ غاتا بڑزی، خاہوت آتیکن صبر و ٹھپی تا زوت جان جوڑی کن دعا کرسا دہشت گرد آتے ایسر اسکان سرکننگ آ خیبر پختونخوا پولیس ءِ خراج تحسین پیش کرے۔