گیس و بجلی نا صٓرف آتے کن ویل ودی کروک آتا برخلاف کاروائی کننگے، وزیر اعظم

اسلام آباد (اے پی پی) وزیراعظم بجلی و گیس اناصارف آتیکن بے گرج ویل ودی کروک و وڈی خور آتا برخلاف سخت کارروائی کننگ نا پارت کرسا پارینے کہ توانائی نا بشخ اٹ اصلاحات زرگزران نا سوگوی کن المی ءِ، انتظامی خامی، دُزی، وڈی خوری و ایلو ویل آتا مچ آ بھاریم الس ءِ سگوئی تمک، دادے اسُل امنا کپنہ۔ اوداخیال آتا درشانی ءِ پنچ شنبے نادے آ داڑے توانائی نا بشخ اٹ اصلاحات نا بابت اسہ دیوان نا کماشی ءِ کرسا ءِ کرسا کرے۔ دیوان اٹ بنجائی وزیر توانائی عمرایوب خان، وزیر ڈٹ بندی اسدعمر، خصوصی کمکار ندیم بابر و شہزاد قاسم و ایلوکمامدارآک بشخ ہلکر۔ وزیراعظم آفس نا میڈیا ونگ انا رداٹ وزیراعظم ءِ توانائی نا بشخ اٹ برجااصلاحاتی عمل، ملکی گرج آتا رداٹ بجلی نا پیداوار، فراوانی و بشخنگ نا نظام ءِ پوسکن آ وڑوڈول آتیا اتنگ، گیس انا بشخ اٹ اصلاحات و توانائی نا بشخ انا متکن آ ویل آتا ایسری نا بابت سرجم حوال تننگا۔