دشمن پاکستان ءِ بلیک لسٹ اٹ دِھکہ تننگ کن سازش کننگ ءِ، قریشی

0

Get real time updates directly on you device, subscribe now.

اسلام آباد (اے پی پی) وزیر خارجہ شاہ محمود قریشی پارینے کہ دہشت گردی تور (ترمیمی) بل 2020ءو اقوام متحدہ (سیکورٹی کونسل)(ترمیمی) بل 2020ءانا منظوری آ ایوان بالا نا منت وار اُٹ، دشمن پاکستان ءِ بلیک لسٹ اٹ دِھکہ تننگ کن سازش کننگ ءِ، بھارتی عزم ءِ مش تا کرین، بھارت ءِ اسہ وار ولدا بُوز اٹ کنوئی تمک، پاکستان ءِ داسہ گرے لسٹ اٹ تخنگ نا ہچ ءُ تُک اس جوڑ مفک، پنچ شنبے نادے آ ایوان بالا نا دیوان اٹی بل آتا منظوری آن پد گپ وتران کرسا وزیر خارجہ شاہ محمود قریشی پارے کہ بل آتا منظوری آ دا ایوان نا منت واری ءِ ہرفیوہ، پک مس کہ دا ایوان سنجیدہ ءِ و دانا باسک آتیٹی فہم و فہراست ارے ، جے یوآئی (ف) آن بیدس غٹ اپوزیشن جماعت آک ہم بل انا مخ تفیءِ کرینو۔ دشمن پاکستان ءِ بلیک لسٹ اٹ دِکہ تننگ و مالی مشکل آتا گواچی کننگ نا چم کننگ ءِ، ای مسلم لیگ (ن)، پیپلزپارٹی و جماعت اسلامی تون اوار غٹ جماعت آتا منت واری ءِ ہرفیوہ۔ اوبھارت نا عزم ءِ مش تا کرینو، ننا تین پہ تینی سیاسی اختلاف مننگ کیک ولے نن قومی باندات آتیا اسہ موقف اس تخنہ، ہراجوانی اٹ مسلم لیگ (ن)، پیپلزپارٹی نا باسک آک کمیٹی ٹی بل انا مخ تفی ءِ کریر کنے یخین ءِ کہ داڑان فائدہ پاکستان نا مریک، حکومت آک بریرہ کارہ ولے ریاستی فائدہ فائدہ غاک غٹ آن ایڑتر ءُ ، کاش جے یو آئی (ف) ہم تینا فیصلہ غا نظر شاغوسس، جے یو آئی (ف) مخالفت کرسا جوان ءُ تاثر اس تتو، ملک اکن است ءِ بھلن کیر۔ اوپارے کہ کلبھوشن یادیو نا آرڈیننس نا مضمر آتا بابت گڑتی نا درشانی ءِ کننگانے، او قید اٹی ءِ، ملک ءِ اِلیتنے ہنتنے، نئے او نن اٹ نرنگ کیک، اودے ہچ ءُ رعایت اس تننگتنے، بھارت دا کیس ءِ جہانی عدالت انصاف اٹ درے، اونا خیال ئس کہ اودے یلہ کرفسا بھارت آ گدریفک، بھارت شکست کُنگ، قونصلر رسینگ جنیوا کنونشن نا رداٹ تروئی ءِ، اپیل نا حق تروئی ءِ، بھارت نا کوشست ئس کہ اودے دُوارہ جہانی عدالت انصاف آ ہِننگ نا بہانہ ملک، ہنداخاطرآن نن کلبھوشن ءِ دُوارہ قونصلر رسینگ تسن، بھارت نا اعتراض آتے مُر کرین، نن بھارتی عزم ءِ مش تا کرین، دونیم گھنٹہ اسکان بھارتی سفارتکار آک کلبھوشن تون اوڑدہی کریر۔ بھارتی سفارتکار آتا کوشست ئس کہ ہراوڑ او دااوڑدہی آن نررتانکہ بہانہ اس کننگ کیر۔ اوپارے کہ ہراتم ہچ ءُ بہانہ اس ملتو تو اعتراض کریر کہ سیکورٹی والا اِرا بندغ مُر کار۔ نن پارین داڑکن ہم تیار اُن ولے ولدا اوفتے تون ہچ ءُ ورندی اس ہلوکہ، بھارت نا عزم ءِ نن داکانود جوڑ کننگ اٹ مش تا کرینن، بھارت ءِ اسہ وار ولدا بوز اٹ کنوئی تمک۔ ایشیاءپیسفک پڑک اٹ دادے رپورٹ کینہ۔ پاکستان ءِ گرے لسٹ اٹ تخنگ نا ہچ ءُ جواز اس اف۔ اگہ پاکستان گرے لسٹ آن پیش تمک تو دا داایوان نا سرسہبی ءِ۔

Get real time updates directly on you device, subscribe now.

Leave A Reply

Your email address will not be published.