ایف اے ٹی ایف نا بابت کانود آ حکومت زموار کڑد ادا کے، بلاول بھٹو

0

Get real time updates directly on you device, subscribe now.

 اسلام آباد ( آن لائن ) پاکستان پیپلز پارٹی نا چئیرمین بلاول بھٹو زرداری پارینے کہ ایف اے ٹی ایف نا پن آ آمرانہ اختیار دوئی کننگ نا کوشست کننگا، کانود سازی آ حزب اختلاف ءِ اعتماد اٹ ہلنگتو، ایف اے ٹی ایف کانود سازی آ حکومت ءِ ذمہ دارانہ ءُ کڑد اس ادا کروئی تمک، این آر او، این آر او پارسا اصل این آر او ءِ ڈکنگ نا کوشست کننگ انگ ءِ، ہرا زیر حراست بھارتی جاسوس کلبھوشن ءِ تننگا۔ تدوک آ دے پریس کانفرنس کرسا بلاول بھٹو پارینے کہ کانود سازی آ سینیٹ و قومی اسمبلی ءِ اعتماد اٹ ہلنگتو، حکومت اُلس ءِ بیوقوف جوڑ کننگ اٹی ءِ، اپوزیشن نا زبان ءِ بند کننگ کپنہ۔ بلاول بھٹو پارینے کہ حکومت نا سلاہکار آتیا آمدن آن زیات اثاثہ غاتا کیس جوڑ مریک ولے عمران خان اینو ہم اونا وڈی خوری نا رکھ ءِ کننگ اٹی ءِ۔ بلاول بھٹو زرداری پارینے کہ جسٹس مقبول باقر نا فیصلہ غان پد نیب و جمہوریت ہم اوار چلینگ کننگ کپسہ۔ پاکستان و عمران خان اوار اوار چلینگ کننگ کپسہ۔ عمران خان نا دورِ حکومت اٹ ملک اٹ کل آن زیات وڈی خوری ٹی ودکی مس وخت اس کہ او نیب ءِ کاریم اٹ اتسا اپوزیشن جماعت آتا سیاست دان تیان بدلہ ہلنگ اٹی ءِ۔ او وزیر اعظم نا خصوصی کمکار آتے پارسا او پارے کہ شہزاد اکبر ءِ اولیکو تینا اثاثہ غاتا حساب ءِ تروئی تمک، اگہ قاضی فائز عیسیٰ نا اُرائی آن شاہدی خواہنگ انگ ءِ تو تینٹ ہم شاہدی ایتبو۔ ورندی ایتر کہ 2 سال آن تینا درملکی جائیداد آتے انتئے ڈکلیئر کتنے۔ چیئرمین پیپلز پارٹی پارینے کہ کابینہ ٹی کیہی بندغ آتیا آمدن آتیان زیات اثاثہ غاتا کیس جوڑ مریک و وزیر اعظم عمران خان اینو ہم تینا سلاہکار آتا وڈی خوری نا رکھ ءِ کننگ اٹی ءِ۔ نیب ءِ شہزاد اکبر نا برخلاف ہم آمدن آن زیات اثاثہ غاتا کیس اس مرے، او اِرا سال آن پیشن ملک جائیداد ڈکلیئر کتنے۔ او خواست کرے کہ وزیراعظم نا کل خصوصی کمکار آک تینا اثاثہ غاتے پاش کیر۔

Get real time updates directly on you device, subscribe now.

Leave A Reply

Your email address will not be published.