شونداری مزل ءِ دوئی کننگ نا اسٹ انگا وڑ میرٹ نا کسر ءِ‘ میر ضیاءلانگو

کوئٹہ (خ ن) صوبائی وزیرداخلہ میر ضیاءاللہ لانگو تون ڈاٹریکٹر جنرل لیویز فورس مجیب الرحمن قمبرانی اوڑدہی کرے‘ دا وخت آ ڈائریکٹر جنرل لیویز فورس ادارہ نا جم کارکڑد نا بارو اٹ وزیرداخلہ ءِ معلومدار کرے۔ وزیرداخلہ اوڑدہی نا وخت آ لیویز فورس نا جم کارکڑد نا سفت ءِ کرسا پارے کہ امن وایمنی نا بحالی ٹی لیویز فورس کڑد ادا کننگ اٹی ءِ ہراڑا نن گمر کینہ وخت اس کہ السی خذمت نا جوزہ غان امپوک لائخی ٹیلنٹ مون آ اتنگ حکومت نا مشن ءِ‘ وزیرداخلہ پارے کہ لیویز فورس ءِ دا رد اٹ تینا پبی و جوان کڑد ءِ ادا کروئی ءِ‘ پوسکن آبھرتی تے ٹی میرٹ و شفافیت ءِ مون آ تخسا قومک مونی ہننگ کیرہ۔ شونداری وشونہالی نا منزل ءِ دوئی کننگ نا اسٹ انگا وڑ میرٹ نا کسر ءِ‘ صوبائی حکومت صوبہ ٹی میرٹ و شفافیت نا پوسکن آ کلچر نا بنداو ءِ تخانے‘ لیویز فورس اٹ میرٹ نا بنداو آ بھرتی کننگ انگ ءِ۔او پارے کہ لیویز فورس ءِ پوسکن آ خواست آتون ہمگرنچ کننگ کن غٹ دوئی وسیلہ غاتے کاریم اٹ اتنگ انگ ءِ۔