امریکہ ٹی کوروناوائرس آن زہمی بندغ آتا کچ 45 آن گدرینگا

واشنگٹن (اے پی پی) امریکہ ٹی ہلوک آ کوروناوائرس آن زہمی بندغ آتا کچ 45 لکھ 68 ہزار آن گدرینگانے وخت اس کہ ملک انا چندی ریاست آتیٹی دا ہلوک آ وائرس نا سوب آن داتم اسکان اسہ لکھ 53 ہزار آن زیات بندغ زوال کرینو۔ پنچ شنبے نادے آ امریکی میڈیا نا رداٹ ملک انا گیشتر ریاست آتیٹی تدوک آ منہ ہفتہ ٹی کوروناوائرس نا ناجوڑ آتا کچ اٹ ودکی مسنے۔ امریکہ ٹی کوروناوائرس نا فعال زہمی تا کچ 21 لکھ 69 ہزار اسکان سرمسنے، ملک اٹی داتم اسکان کوروناوائرس آن 153840 بندغ زوال کرینو۔ امریکی محکمہ جان جوڑی نا کمامدارآتارداٹ ملک انا گیشتر ریاست آتیٹی کوروناوائرس نا زہمی تا کچ اٹ ودکی مننگ ءِ۔ کمامدارآتاپاننگ ءِ کہ ملک اٹی کورونانا کیس آتا جم کچ 4568037اسکان سرمسنے۔ داہیت ذکر انا قابل ءِ کہ امریکہ ٹی کورونانا اولیکو کیس انا تشخیص داسال 22 جنوری آ مسوسس۔ کمامدارآتا پاننگ ءِ کہ ملک اٹ داوخت آ ہم کوروناوائرس نا 2169153فعال زہمی ارے۔