مچھ‘بھلا عئید اکن غٹ بست وبند آک پورو ءُ‘بشیراحمد پلال

مچھ (تلار حوالکار) بھلا عئید اکن غٹ بست وبند آک پورو ءُ‘ مچ آشار اٹ الس ءِ عئیدی ہلنگ کن ریلیف فراوان کننگ ءِ پک کننگانے‘ مچھ شار اٹ عئید آ جانجوڑی و سَفائی نا ماسٹر پالان نا رد اٹ ساہدار تا خس وخول تے ہرفنگ نا بست وبند کننگانے۔ دا خیال آتا درشانی ءِ چیف آفیسر میونسپل کمیٹی مچھ بشیراحمدپلال کرے او پارے کہ الس ءِ سَفائی نا جوان آسراتی فراوان کننگ انگ ءِ‘ شاری تا آسراتی تیکن ادارہ ناکنڈآن سَفائی نا گام گیج کننگک و شاری تا غاو تے دمدستی چٹفنگک‘ ہندی کہول آ مسکوہی السی نمائندہ‘ عالم دین‘ صحافی برادری و شاری تا اسیجائی اٹ عئید پلان جوڑ کننگانے۔ عئید انا چھٹی تے ٹی الس ءِ ساف و جانجوڑ چاگڑد اس فراوان کننگ کن گام گیج کننگانے۔