قوم ءِ سماتما نُم ایف اے ٹی ایف نا آڑاٹ این آر او خواہنگ اُرے، ڈاکٹر شہباز گل

اسلام آباد (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل مسلم لیگ (ن) نا راہشون احسن اقبال نا ٹویٹ نا ردعمل اٹ پارینے کہ قوم ءِ سماتمانے کہ نُم ایف اے ٹی ایف نا آڑاٹ این آر او خواہنگ اُرے ولے حکومت بلیک میل مفک، انت کہ منشا ءِ نما کبو نمے این آر او ملپک۔ پنچ شنبے نادے آ تینا ٹویٹ اٹ اوپارے کہ اگہ سسٹم اٹ نزوری نا سوب آن نم بچارے تو جتا ءُ ہیت اس ولے نن مشرف آنبار نمے 10 سال انا این آر او ترسا نرنگ کن الیپنہ۔ خصوصی کمکار پارے کہ نما مخلوق این آر او نا اومیت اٹ سائلنٹ موڈ آٹو۔ ڈاکٹر شہباز گل احساس اقبال ءِ مخاطب کرسا مستی پارے کہ درو نی پاریسہ کہ اپوزیشن نیب انا بابت ترمیم ایتے و اینو پاننگ ءِ کہ ایف اے ٹی ایف نا بابت ترمیم ایتر۔ اصل اٹ نما زند متضاد بیان و دروغ انا دعویٰ تیان پُرءِ۔