اپوزیشن ءِ این آر او ملیپک، زرتاج گل

اسلام آباد (اے پی پی) وزیر مملکت موسمیاتی بدلی زرتاج گل پارینے کہ اپوزیشن اخس کہ کوشست کیر اوفتے این آر او ملیپک، نن احتساب نا وعدہ ءِ کرسا حکومت اٹ بسونن، ہچ ءُ رعایت اس تننگ کپنہ، نظام اٹ انت کہ نزوری اس ارے اوفتیا کاریم کننگ اُن۔ ٹویٹر آ جاری بیان اٹی زرتاج گل پارے کہ پک مس کہ ہراتم آن تحریک انصاف نا حکومت جوڑ مسنے (ن) لیگی و پیپلزپارٹی منت کرسا، غوغاکرسا، کسہ کرسا و ایف اے ٹی ایف بل انا برخلاف وونٹ بٹسا ننے آن این آر او کن پِنڈ خواہسا کرینو، ولے اوفتے بلیک میلنگ بے سہب مس۔ زرتاج گل پارے کہ اپوزیشن اخس کہ کوشست کے، اسمبلی آن واک آوٹ، ہڑدڑ، بلکن تینے چپی ٹنگر، اوفتے این آر او ملیپک۔ نن احتساب نا وعدہ ءِ کرسا حکومت اٹ بسونن و ہچ ءُ رعایت اس تننگ کپنہ۔ دارداٹ نظام اٹ انت کہ نزوری اس ارے اوفتیا کاریم کننگ اُن۔