گرانفروش آتا برخلاف پبی کارروائی کننگک‘ نثار احمد لانگو
Get real time updates directly on you device, subscribe now.
کوئٹہ: ڈپٹی کمشنر کوئٹہ شہک بلوچ نا خاص ءُ پارت اسے آ شار اٹ روچہ ٹی گرانفروش و ناجائز منافع خور آتا برخلاف کارروائیک برجا ءُ۔ دا بابت اٹ تدوک آ دے اسسٹنٹ کمشنر(سریاب) نثار احمد لانگو گرانفروشی و سرکاری نرخنامہ نا خلاف ورزی کننگ آ 8 بندغ آتے دزگیر وخت اس کہ اسہ دکان اسے سیل کرے۔ دا کارروائیک ہزار گنجی، کلی رئیسانی، سریاب روڈ و ایلو علاقہ غاتیٹی کرے۔ دا وخت آ کیہی دکاندار آتا سرکاری نرخنامہ آ من و عن عملدرآمد نا ہم پارے۔ او وخت آ اسسٹنٹ کمشنر سریاب نثار احمد لانگو ہیت وگپ کرسا پارینے کہ گرانفروش آتا برخلاف روچہ آن مست کارروائی کننگ انگ ءِ۔ گرانفروش مافیا نا برخلاف اُلس انتظامیہ نا دو تے سوگو کیر۔ نن اوفتا برخلاف کارروائی کینہ۔ روچہ توروک آتے ریلیف فراوان کننگ کن انتظامیہ بیدس فرق کارروائی کننگ اٹی ءِ و روچہ ٹی دا کارروائی تیٹی ترندی اتنگانے۔
(خ ن)