بلوچستان کابینہ چندی تعلیمی ادارہ غاتا بابت فیصلہ غاتا منظوری ءِ تس
Get real time updates directly on you device, subscribe now.
کوئٹہ: بلوچستان کابینہ جتا جتا تعلیمی ادارہ غاتون گنڈوک فیصلہ غاتا منظوری تس۔ دا بابت اٹ کیڈٹ کالج جعفر آباد اٹ مسنگ آسراتی تا فراوانی نا منظوری تسنے۔ کابینہ لسبیلہ یونیورسٹی آف ایگریکلچر واٹر اینڈ میرین سائنسز نا ڈسٹرکٹ آواران اٹ سب کیمپس نا جوڑی نا منظوری تس۔ کابینہ یک مچ آن خاران 198کلو میٹر روڈ نا جوڑی نا منظوری تس۔ ہندا روڈ ءِ نیشنل ہائی وے اتھارٹی جوڑ کیک۔ کابینہ مین چشمہ بائی پاس آن جعفر خان روڈ کوئٹہ روڈ نا جوڑی نا بابت نظر ثانی شدہ پی سی ون نا منظوری تس۔ کابینہ خاران شار آن یک مچ آن خاران روڈ بلیک ٹاپ روڈ نا چوڑائی و بحالی نا منظوری تس۔ بلوچستان کابینہ بلوچستان لوکل کونسلز (اکاؤنٹس) رولز 2022 بلوچستان لوکل کونسلز(بجٹ) رولز 2022 و بلوچستان لوکل کونسلز (مالی انتقال) رولز 2022 نا منظوری تس۔ ہندن کابینہ محکمہ تعلقات عامہ اٹ کانفرنس ہال نا جوڑی و آسراتی تا منظوری تس۔ کابینہ ضلع کوئٹہ نا 170 نجی واٹر سپلائی اسکیم آتے واسا نا تحویل اٹ تننگ نا منظوری تس۔ و داوڑ واٹر سپلائی اسکیمک ہرافک کمیونٹی ءِ چلیفنگ کپسہ۔ اوفتے حکومت تینا کنٹرول اٹ ہلیک۔ کابینہ گوادر، خاران، قلعہ سیف اللہ و زیارت نا ڈی ایچ کیو ہسپتال آتے اپ گریڈ کرسا ٹیچنگ ہسپتال نا درجہ تننگ نا منظوری تس۔ کابینہ سروس نا وخت آ فوت مروک آ سرکاری ملازم آتا چناتے ملازمت نا کوٹہ نا بحالی نا منظوری تس۔ دا کوٹہ نا بابت کابینہ تدوک آ کابینہ نا دیوان اٹ کمیٹی نا تشکیل تسنے۔
(خ ن)