انتظامیہ غیر جانبدار مرسا اُلس نا فرض آتے پورو کے‘ صوبائی وزیر داخلہ

کوئٹہ: صوبائی وزیر داخلہ میر ضیاء اللہ لانگو تون پوسکن تعینات ایڈیشنل چیف سیکرٹری داخلہ صالح محمد ناصر اوڑدہی کرے۔ اوڑدہی ٹی وزیر داخلہ ایڈیشنل چیف سیکرٹری نا عہدہ غا تعیناتی نا مبارکبادی و نیک نیتی نا درشانی ءِ کرے۔ او وخت آ وزیر داخلہ نا پاننگ ئس کہ صوبائی حکومت ہر کہول آ سفائی، گڈگورننس ءِ جوان کننگ کن پالیسی جوڑ کرینے۔ او پارینے کہ اُلس نا فلاح و بہبود و امن ایمنی ءِ اسہ وڑ تخنگ صوبائی حکومت نا کاریم تیٹی اوار ءِ۔ وزیر داخلہ نا پاننگ ئس کہ انتظامیہ غیر جانبدار مرسا فرض آتے پورو کے۔ کنا سپورٹ اوڑتون اوار ءِ۔ اوڑدہی ٹی صوبہ نا انتظامی کاریم، گڈ گورننس، سفائی و کفایت شعاری نا جوانی نا بابت اٹ گام گیج آتیا تینا خیال آتا درشانی ءِ کرے۔

(خ ن)