بلوچستان کابینہ ہیلتھ کارڈ پروگرام ءِ لانچ کننگ نا منظوری ءِ تس

کوئٹہ : بلوچستان کابینہ نیشنل کمیشن فار مائنارٹیز ایکٹ 2022نا منظوری ءِ تس‘ بلوچستان ہیلتھ کارڈ پروگرام ءِ لانچ کننگ و اوڑا عملدرآمد نا منظوری ءِ تس‘ کابینہ فیصلہ کرے کہ ہیلتھ کارڈ اسہ سال انا جاگہ غا مسہ سال اکن جاری کننگک‘ دیوان ءِ پاننگا کہ برجا مالی سال اٹ ہیلتھ کارڈ کن 5 ارب روپئی جتا کننگانے کابینہ بلوچستان ڈرگز و تھری پیوٹک گڈز رولز 2021 اٹ ترمیم نا منظوری ءِ تس۔ کابینہ حکومت بلوچستان نا کمیونٹی لیڈ لوکل گورنمنٹ گورننسCLLG پالیسی نا منظوری ءِ تس‘ ہندا پالیسی نا منظوری آن ڈونر ایجنسی تا کمک اٹ چلینگوک کمیونٹی بیسڈ ڈٹ آتے ٹی حکومت نا کوارڈینیشن ہم اوار مریک‘ ہندا وڑ کابینہ فیڈرل لیویز نا شہید آتیکن معاوضتی (کمپنسیشن) پالیسی نا منظوری ءِ تس‘ صوبائی کابینہ ضلع کیچ و آواران نا انٹرن استاد آتے پکا کننگ نا منظوری ءِ تس‘ پکا مروک استاد آک تینا تعلقدار ضلع غاتے ٹی ڈیوٹی کیرہ و باسنی نا چھٹی تے ٹی انٹرن استاد آتے باقاعدہ ٹریننگ ہم تننگک۔ کابینہ ڈیرہ مراد جمالی ٹاؤن نا ہنکینی تے 5050 ایکڑ ڈغار آ مالکی نا حق تننگ نا منظوری تس۔ صوبائی کابینہ سوئی مائننگ لیز توسیع نا بابت کمیٹی ٹہیفنگ نافیصلہ کرے کہ صوبائی وزیر تیا ساڑی کمیٹی بنجائی کہول آ بلوچستان نا موقف نا پبی دفاع ءِ کیک‘ کابینہ ٓئینی ترمیمی بل 2022 انا آرٹیکل 160 اٹ ترمیم ءِ پک کرے دا آئینی ترمیمی بل انا رد اٹ صوبہ سے نا این ایف سی ایوارڈ نا بشخ تدوک آ سال آن کم مفک‘ کابینہ ٓئینی ترمیمی بل 2022 آرٹیکل 218 215 و 228 ءِ ہم پک کرے‘ دا آئینی ترمیمی بل آن نیاڑی تا نمائندگی ودک و الیکشن کمیشن اٹ کل صوبہ غاتیان اسہ اسہ نیاڑی ناباسک انا نمائندگی مریک‘ آئینی ترمیمی بل آن نظریاتی کونسل اٹ ہم اِرا نیاڑی اوار مننگ کیرہ۔

(خ ن)