چیئرمین سینیٹ نا سوج ورندی تا وخت آ وزیر آتا ساڑی مفننگ نا نوٹس

اسلام آباد: چیئرمین سینیٹ محمد صادق سنجرانی سوج ورندی تا وخت آ وزیر آتا ساڑی مفننگ نانوٹس ءِ ہلسا پارینے کہ او وزیراعظم ءِ چٹھی اس نوشتہ کیک۔ ایوان ناکارروائی ٹی وزیرآک داڑے بایدے ساڑی مریر۔ جمعہ نادے آ سینیٹ نا دیوان اٹی سینیٹر ڈاکٹر آصف کرمانی داکنڈآ چکار کرفے کہ داڑے وزیر آک ساڑی افس، ا سینیٹ نا تقدس و شرف المی ءِ، وزیر آک داڑے بایدے ساڑی مریر ہراڑا وزیر مملکت کانود شہادت اعوان پارے کہ غٹ وزیر آک تینا وزارت آتیٹی کاریم کننگ ءُ و گڑاس وزیر وزیراعظم تون کے پی کے نا دورہ غاٹی ءُ۔ چیئرمین سینیٹ پارے کہ وزیر آک بایدے ایوان آ بریر دابابت او وزیراعظم ءِ چٹھی اس نوشتہ کیک۔

(اے پی پی)