سردار اسلم بزنجو نا اُراغا سم کاری نا واقعہ نا مذمت

چاغی، نیشنل پارٹی تحصیل چاغی نیشنل پارٹی نا بنجائی راہشون و مسکوہی صوبائی وزیر سردار محمد اسلم بزنجو نا اُرا غا ٓ سم کاری نا واقعہ نا سخت انگاز لوز آتے ٹی مذمت ءِ کرسا پارینے کہ سیاسی راہشون و اوفتا اُرا تے شست کننگ نا واقعہ غاک بھاز گڑتی نا سوب و مذمت نا قابل ءُ۔ دا وڑ انا واقعہ غاتیان بیرہ سیاسی و جمہوری چاگڑد زہمی مفک بلکہ الس اٹی ہم بے ایمنی نا احساس ودی مریک۔ نیشنل پارٹی تحصیل چاغی پارے کہ سیاسی اختلاف تا درشانی جمہوری و سیاسی وڑ اٹ بایدے مرے‘ بیدادی و خلس تالان کننگ امنا کننگ مفک۔ نیشنل پارٹی تحصیل چاغی خواست کرے کہ سم کاری نا واقعہ نا دمدستی و شفاف جاست پاست کننگے و داٹی اوار زموار آتے کانود نا مون آسلفسا کانودی کارروائی کننگے۔