ڈپٹی کمشنر کوئٹہ ویسٹ انا دفتر اٹی آسراتی فراوان کننگ کن کمپیوٹر سیل جوڑ

کوئٹہ، ڈپٹی کمشنر کوئٹہ ویسٹ نا دفتر اٹی شاری تے لوکل و ڈومیسائل سرٹیفکیٹ تا دوئی کننگ اٹی آسراتی فراوان کننگ کن باقاعدہ کمپیوٹر سیل جوڑ کننگانے‘ ڈپٹی کمشنر کوئٹہ ویسٹ منیر احمد درانی نا کنڈ آن جاری بیان نا رِد اٹ کمپیوٹرائزڈ نظام نا مسخت شاری تے شفاف، آسان و تیز آسراتی فراوان کننگ ءِ تاکہ اوفتے لوکل و ڈومیسائل سرٹیفکیٹ تا دوئی کننگ کن مشکل مون تروئی تمک۔ کمپیوٹر سیل اٹی لوکل سرٹیفکیٹ نا پراسیسنگ و جاری کننگ‘ ڈومیسائل سرٹیفکیٹ نا پراسیسنگ و جاری کننگ و درخواست آتا کمپیوٹرائزڈ پراسیسنگ تون اوار ایلو تعلقدار آسراتیک فراوان کننگ نگ ءُ؛ اعلامیہ ٹی پاننگانے کہ کمپیوٹرائزڈ نظام آن شفاف و منظم وڑوڈول شون ہلیک وخت اس کہ شاری تیکن راہشونی و آسراتی ہم گچین مریک‘ ڈپٹی کمشنر کوئٹہ ویسٹ شاری تیان خواست کرے کہ او لوکل و ڈومیسائل تون تعلقدار خذمت آتیکن کمپیوٹر سیل آن فائدہ ہرفر۔