بابری مسیت نا شہادت، بھارتی عدالت کل دوبہ دار آتے بشخا
Get real time updates directly on you device, subscribe now.
لکھنو (آن لائن) بھارتی شار لکھنؤ نا خاص انگا عدالت بابری مسیت شہادت کیس انا کل 32 دوبہ دار آتے بشخا۔ بی جے پی نا خواجہ باسک و مسکوہی نائب وزیراعظ مایل نا ایڈوانی، مسکوہی وزیرمرلی منوہر جوشی، مسکوہی وزیر اوما بھارتی و کلیان سنگھ مقدمہ نا اہم انگا دوبہ دار آتیٹی اوار ئسر۔ کانود نا رداٹ عدالت نا کنڈآن دا کیس انا فیصلہ ءِ بنفنگ نا وخت آ دا مقدمہ ٹی پندار کل 32 دوبہ دار آتے عدالت اٹ حاضر مننگ نا پرمان تننگاسُس ولے کورونا نا دَین انا سوب آن کیہی دوبہ دار، ہرافتا وہیک زیات ءُ، ویڈیو لنک نا کمک اٹ عدالت نا فیصلہ ءِ بنگ۔ خاص انگا عدالت نا جج جسٹس سریندر کمار یادو بابری مسیت نا شہادت نا 28 سال آن پد فیصلہ ءِ بنفے کہ بابری مسیت نا شہادت جوڑ مروک ءُ ڈٹ اس الو۔