بلوچستان ءِ رسینگوک بجٹ نا 80 درسَد کننگک،چیف جسٹس سپریم کورٹ

کوئٹہ (آن لائن) سپریم کورٹ آف پاکستان نا چیف جسٹس گلزار احمد بلوچستان اٹ سرکاری تعلیمی ادارہ غاتا حالیت آ اُست ہسونی نا درشانی ءِ کرسا پارینے کہ صوبہ ءِ ارب کھرب نا بجٹ رسینگک ولے 80 درسد بجٹ کننگک بلوچستان نا پیسہ غاک ہچ سما اف کہ ہراڑے کاریم اٹ اتنگرہ دانا موکل ءِ تفنہ۔ مروئی تو دن ئس کہ پیسہ دم انا ہلنگ تو تخر و کس اسے پُلنگ کن ہلیپس۔ صوبہ نا اخس اسکول با تس اوڑے گیڈ جوڑ مسنے، اوڑے ہنسا اسہ اسہ اسکول ءِ چیک کننگے ولے ہچ ءُ زمواری اس ہلنگ کن تیار اف، محکمہ تعلیم نا کنڈآن ہرا فنڈ آتا ذکر ءِ اوٹی تو کل اسکول آک فائیو اسٹار جوڑ مننگ کیرہ ولے افسر ءِ پاننگ آن ہم کانہ تو طالبعلم و استاد و ٹیبل کل ساڑی مریرہ پد آن ہچ اس مفک۔ دا ریمارکس تدوک آ دے چیف جسٹس سپریم کورٹ جسٹس گلزار احمد،جسٹس فیصل عرب و جسٹس اعجاز الحسن استا مسہ باسکی بینچ سپریم کورٹ کوئٹہ رجسٹری ٹی بلوچستان نا سرکاری اسکول آتا خراب انگا حالیت نا بابت کیس انا سماعت نا وخت آ تس۔