آذربائیجان و آرمینیا نا جنگ اٹی کہوک آتا ک 69 آن گدرینگا

0

Get real time updates directly on you device, subscribe now.

باکو(آن لائن) آذربائیجان و آرمینیا نا نیام اٹ خطرناک ءُ جنگ اسے ٹی کہوک آتا کچ 69 مسنے ہراٹی 11 شاری ہم اوار ءُ۔ آذربائیجان نا پراسیکیوٹرز جنرل نا دفتر آن جاری بیان نا رداٹ ننکان کاراباخ نا باغی تا سیمی ضلع ٹِرٹِر نا خلق آ گولہ باری نا نتیجہ ٹی پین ارا شاری تپاخت کرینو۔ ایلو کنڈ آ کاراباخ نا وزارت دفاع نا بیان نا رداٹ تدوک آ دے اوفتا 27 جنگوڑو جنگ اٹ تپاخت کرینے اوکان پد دا جھیڑہ ٹی دا وخت اسکان تپاخت کروک آ فوج تا کل کچ 58 مسنے۔ ایلو کنڈ آ تدوک آ ننکان آرمینیا نا وزارت دفاع نا ترجمان آرٹسرن ہوہنیسیان پارینے کہ آذربائیجان سویل و قطب دے ٹکی سیم انا کنڈ آن خطرناک وڑاٹ جلہو گیر مسنو۔ ہندی کمامدار آتا رداٹ دا جھیڑی دا وخت اسکان یانزدہ شاری ہم خلنگانو ہرافتے آن 9 انا تعلقداری آذربائیجان آن ءِ وخت اس کہ ارٹ نا آرمینین آن ءِ۔ آذربائیجان داسکان کن ہچ ءُ فوجی اسے نا کہنگ ءِ پک کتنے۔

Get real time updates directly on you device, subscribe now.

Leave A Reply

Your email address will not be published.